နင် ငါ့ကို
ဘယ်လောက်ချစ်လဲတဲ့။
အချစ်တစ်ခုကို
ဘာနဲ့တိုင်းတာပြရမလဲ။
ငါရဲ့ သိစိတ်ထဲမှာလဲ
နင်ဘဲ
မသိစိတ်ထဲမှာလဲ နင်ဘဲ
ငါ့ဘ၀ရဲ့
ခံစားမှုတွေအားလုံးကို
နင်ဘဲ
လွှမ်းမိုးထားတယ်လေ။
အချစ်ရဲ့
အဓိပ္ပါယ်ကိုတော့ ငါမသိဘူး။
ဒါပေမဲ့
ရှေးကလူကြီးတွေလဲ
ဒီလိုဘဲချစ်သွားတယ်ထင်တယ်။
ဘာပဲဖြစ်ဖြစ် ဘ၀တစ်ခုထဲကို
နောက်ဘ၀တစ်ခုပေါင်းထည့်လိုက်တယ်။
ဘ၀နှစ်ခုက
ဘ၀တစ်ခုဖြစ်လာတယ်။
နောက်တော့
ဘ၀တစ်ခုက
ဘ၀တွေအများကြီးကို ဖန်တီးလိုက်ကြတယ်။
ဒါ့ကြောင့် ဘ၀ထဲက
ဘ၀တစ်ချို့ဟာ
အချစ်ရဲ့
အစိတ်အပိုင်းလို့ဘဲ ငါနားလည်ထားခဲ့တယ်လေ။
ကိုယ့်ချစ်သူတစ်ယောက်ကို
ညင်သာစွာ နမ်းရှိုက်ရင်း
ကြင်နာစွာ ပွေ့ဖက်ပြီး
သံယောဇဉ်လက်တွေနဲ့
ဖေးမခဲ့တာတွေ
ချိုသာတဲ့စကားလုံးတွေနဲ့
သူစိတ်ချမ်းသာအောင်
ပြောခဲ့တာတွေ
သူစိတ်ညစ်တယ်ဆိုရင်
ဟာသပုံပြင်လေးတွေပြောပြတာတွေ
ဒါတွေဟာ
သူ့ကိုချစ်တဲ့သက်သေတွေလေ။
ချစ်သူရယ်
မင်းမှတ်မိဦးမယ်ထင်ပါတယ်။
မင်းစက်ဘီးပေါ်က ဆင်းတော့
ခြေထောက်ခွင်ပြီးလဲသွားတယ်လေ
လမ်းမလျှောက်နိုင်တဲ့မင်းကို
ပခုံးထက်မှာထမ်းလို့
ဆေးခန်းပို့ခဲ့ဘူးတယ်နော်။
နောက်ဆုံး
မင်းကောင်းစားဘို့အတွက်
တစ်ခြားတစ်ယောက်ကို
လက်ထက်ခဲ့တာရော
ငါဘာပြောခဲ့လို့လဲ
အဲဒါတွေက မင်းကိုချစ်တဲ့
ငါ့အတွက်
လုံလောက်တဲ့
သက်သေပြချက်တွေမဟုတ်ဘူးလား။
သြော် ချစ်သူရယ် .. … .. .. .. .. ။
